2018 жылдың 13 ақпанында «Құрманғазы» мәдениет үйінде орталық мемлекеттік органдар және «Атамекен» кәсіпкерлердің Ұлттық Палатасы өкілдерінің облыстағы бизнес-құрылым басшыларымен ЖБИ/ДЭФ аясындағы түсіндірме жұмыстары бойынша көшпелі кездесуі өтті. Кездесуде Ұлттық экономика, Инновациялық даму, Еңбек және әлеуметтік қорғау, Ауыл шаруашылығы, Білім министрліктерінің, Ұлттық Банктің департаменттері мен басқармалары басшылары қатысып, сөз сөйледі.
«Туберкулез ауруының бизнеске ықпалы» индикаторы туралы бизнес-құрылым басшыларына нақты түсіндірілді. Кездесуге облыстағы 300-ге тарта бизнес өкілдері қатысты.
